22. juni 2009 vedtok Vaksdal kommunestyre med heimel i "Lov om eigedomsskatt §3 og 4" å utvide eigedomsskatten til å gjelda alle eigedommar i heile kommunen frå 1.januar 2010.
Kommunen har eigedomsskatt på verk og bruk og eigedommar i "bymessige strøk". Frå 2006 er lova endra, slik at det er høve til å skriv ut eigedomsskatt på alle eigedomar i kommunen.
Eigedomsskatt er den einaste skatten kommunen sjølv kan styra, og kor heile skatteinntekta tilfell kommunen. Skatteinntekta vil kommunen nytta til å finansiera tenester til innbyggarane.
Det skal gjennomførast ny alminneleg taksering i heile kommunen. Taksten skal, slik det går fram av Byskattelova §5, avspegla marknadsverdi.
Kommunestyret har utpeika ei sakkunnig nemnd til å stå ansvarleg for takseringsarbeidet.