Det ekstraordinære forbodet mot bruk av eld utandørs blir oppheva frå fredag 23. juni
Opphevinga tre i kraft fredag 23. juni.
Det betyr at det frå fredag 23. juni kl. 12.00 igjen er lov å tenne eld eller grille på tilrettelagde bål- og grillplassar. Det er óg lov i offentleg tilgjengelege parkar og friluftsområde, samt på tilrettelagde badeplassar, der ikkje andre reglar gjeld. Det er også lov å tenne sankthansbål.
- Vi fråråder likevel likevel på det sterkaste å brenne bål eller grille dersom ein ikkje kan garantere for branntryggleiken, seier brannsjef Janicke Larsen.
Regnet har dempa brannfaren
Nedbørsmengda som ha kome siste døgn har dempa brannfaren i dei øvre laga i terrenget. Lenger nede i jordsmonnet er det likevel tørt, viser informasjonen frå meteorologisk institutt. Ifølgje vêrmeldinga vil det igjen kunne bli gult farevarsel i våre kommunar, men dette er ikkje nok til å oppretthalde eit ekstraordinært forbod. I neste veke er det varsla meir nedbør.
- Vi gjer merksam på at det likevel kan vere store variasjonar internt i kommunane. Nokre stader kan det ha kome lite regn, som gjer at terrenget tørkar fortere opp. Det er derfor viktig å ta omsyn til lokale forhold, seier brannsjefen.
Lov med sankthansbål
No kan du tenne sankthansbål så lenge det er i god avstand til bygningar, skogsområde, vegetasjon og anna brennbart materiale.
Følg desse råda for trygg bålbrenning på sankthans:
- Ta omsyn til brannfare og vindforhold
- Dersom du ikkje eig grunnen sjølv, hugs å skaffe løyve frå grunneigar til å brenne bål
- Det er alltid den som brennar bål som har ansvar for branntryggleiken
- Bålet må vere i god avstand frå bygningar og vegetasjon
- Ikkje tenn eld på svaberg eller bart fjell, då dette gir varige skader på berget
- Bålet skal byggjast av reine treprodukt. Det er forbode å brenne plast, bygningsmateriale og bos
- Bålet må ikkje vere større enn at du har kontroll på det, og kan sløkkje det ved behov
- Sørg for at barn held god avstand til bålet
- Ikkje bruk bensin eller liknande til opptenning
- Ha rikeleg med sløkkjevatn lett tilgjengeleg
- Ein edru, ansvarlege voksar skal sørgje for at bålet blir sløkt helt før dykk forlèt staden
Det generelle bålforbodet gjeld framleis
Framleis gjeld det generelle bålforbodet i eller i nærleiken skog og anna utmark. Det inneber bruk av alle typar grillar, stormkjøkken, bål, eingongsgrillar og bålpanner for å nemne noko. Alle pliktar dessutan å vise varsemd og opptre på ein slik måte at brann ikkje oppstår. Dette gjeld alle, heile tida og over alt.
- Tusen takk til innbyggjarane våre, som har høyrt på oss og respektert forbodet. Det setter vi stor pris på, seier brannsjef Janicke Larsen.