Demensteam

Eit lågterskeltilbod til personar som har fått problem knytt til hukommelse, og deira pårørande.

Kjenner du nokon som opplev noko av følgjande?

Gløymer innlærde ferdigheitar
Forsterka personlegdomstrekk eller oppførsel
Humørsvingingar
Gløymer nylege hendingar, gjentek historiar
Forvirring i forhold til tid og stad

Demens er ei fellesnemning for ei gruppe sjukdomar i hjernen som er kjenneteikna ved svikt av intellektuelle funksjonar, kjenslemessig kontroll og funksjonsevner med dagleglivet sine utfordringar.

Demensutredning

Hukommelsesproblem er ikkje alltid eit teikn på demens. Ein lyt skilja mellom demens frå normal aldring og sikra rett behandling til rett tid. Tideleg utredning og diagnostisering er viktig slik at rett tiltak og tilrettelegging vert sett i verk ovanfor den personen det gjeld og pårørande.

Vi i demensteamet ønskjer å arbeida for openheit om demenssjukdom, auka kunnskap om ulike demenssjukdomar og støtte og rettleiing til personer med demens og deira pårørande.