Treng du støttekontakt?
Treng du støttekontakt?
Støttekontakt er eit tilbod til personar i alle aldersgrupper som har behov for sosialt samvær, eller som treng støtte for å delta i aktivitetar utanfor heimen.
Slik søkjer du
Du må sende søknad til forvaltningskontoret, som vurderer om du oppfyller kriteriane.
Trykk her for å opne søknadsskjema.
Søknaden kan sendast til Forvaltningskontoret på e-post:
Eller pr post til
- Vaksdal kommune, Konsul Jebsensgate 16. 5722 Dalekvam
Du kan forvente at forvaltninga tar kontakt med deg innan 14 dagar
Kva får du?
Støttekontakten skal hjelpe deg til ei meiningsfull fritid og samvær med andre.
Dersom du ønskjer det, kan støttekontakten blant anna:
- Komme heim til deg
- Gå på tur
- Bli med på kino
- Bli med på trening eller andre sosiale aktivitetar med meir
Krav til søkjar
Du treng hjelp for å få ei aktiv og meiningsfull fritid. Du kan ha fysisk eller psykisk funksjonshemming, sosiale eller psykiske vanskar. Alle som treng eit slikt tilbod kan søkje.
Kva kostar det?
Det er gratis å ha støttekontakt. Du må dekke dine eigne utgifter til aktivitetar som du og støttekontakten er med på ilag.
Har du følgjekort, kan støttekontakten din få gratis eller rimelegare inngang mange stader.
Søknadsfrist
Det er ikkje søknadsfrist for støttekontakt. Vi behandlar alle søknadar etter kvart som dei kjem inn til oss.