Tilsyn på private avlaupsanlegg

Kontroll 

Norva24 er leverandøren som utfører tømming av slamavskiljarar i Vaksdal kommune. Samtidig med tømminga gjennomfører selskapet også ein kontroll av tilstanden i slamavskilljarane.

Kontroll av avlaupsanlegg inkluderer:

• Å sjå om utløpet frå tanken er senka for å hindre slamflukt ut frå tanken.
• Å sjekke om vass-standen i tanken er normal.
• Å undersøke om grøfter etter tanken er tette.
• Å finne eventuelle feil på lokket eller framande gjenstandar i tanken.

Tømmefirmaet varslar kommunen dersom dei oppdagar avvik. Om vi blir varsla tek vi kontakt og ber deg som eigar rette opp feilen innan avtalt tid. Det blir gjennomført tilsyn i etterkant.

Tilsyn  

Tilsyn på avlaupsanlegg kan omfatte:

• Prøvetaking og analyse av vassprøver.
• Kontroll av infiltrasjonsanlegg.
• Sjekk av utslippspunkt.
• Oppfølging av anlegg som ikkje fungerer.

Tilsyn blir alltid varsla på førehand. Det blir oftare gjennomført tilsyn på avlaupsanlegg som ligg i sårbare område, til dømes nært drikkevatn.

Kommunen tek i dag vassprøver i lokale elvar, bekker og vatn for å ha oversikt over tilstanden og for å oppdage eventuell forureining. Dersom vassprøvene er forureina, blir det tatt fleire prøver for å lokalisere kjelda til forureininga.

Tilsyn av avlaupsanlegg er svært viktig for å førebyggje forureining i vassdrag og bekkar, og i neste omgang private drikkevasskjelder, badeplassar og jordvanningsanlegg.